Uznews.net – Ўзбекистоннинг Жиззах вилоятида 24 майда туманлар фаоллари мажлиси бўлиб ўтди, унда маҳаллий раҳбарлар, ғўзанинг яхши етилганлигини қайд этиб, далаларни бегона ўтлардан тозалаш, бироқ бунга ўқувчиларни жалб қилмаслик ҳақида вазифа белгилашди.

Жиззах вилоят мажлисида туман бюджет ва хусусий муассасалари, шунингдек мактаб ва бошқа ўқув юртлари рахбарлари иштирок этишди.

Улар маҳаллий рахбарларнинг бу йил Жиззах вилоятида пахтадан яхши ҳосил етиштирилгани, эндиликда эса улар олдида фақат бир вазифа: ниҳолларни парвариш қилиш, уларни бегона ўтлардан асраш турибди.

Маълум бўлишича, айрим фермерлар бегона ўтларни ўзлари бартараф этишади, бироқ айримлар ёрдамга муҳтож.

Бу ёрдамни жиззахлик рахбарлар, Жиззах вилоятидаги корхона ва идора, ўқув муассасалари ходимлари амалга оширади, дея қарорга келишди.

Бироқ, дея алоҳида таҳкидлашди Жиззах ҳокимлари, мактаб ўқувчиларини далаларни тозалашга жалб этиш мутлақо мумкин эмас! Далаларга ўқитувчилар ва ўқув муассаси ходимларининг ўзлари чиқишлари лозим.

Корхона ва идоралар вазифасига техник ва моддий масалаларни ҳал қилиш киради: далаларга ишчи кучларини етказиб бериш, уларнинг иш вақтини ва уйга қайтишларини таъминлаш шулар жумласидандир.

Uznews.net