Uznews.net – Шу кунларда аксарият Қирғизистоннинг жанубида 10 15 июн кунлари юз берган хунрезликлар чоғида ҳалок бўлган яқинлари маросимларини ўтказишмоқда, қурбонлар сони бир неча мингни ташкил этади, бироқ барча қурбонларнинг ҳам қабри ва маросим ўтказиладиган жойи йўқ.

Қирғизистон жанубидаги ўзбек оилалари, 20 дан 24 июлга қадар Ўш ва Жалолобод вилоятларида ҳалок бўлган ўз яқинлари ва қариндошлари маросимларини ўтказишади.

Ўш вилоятининг Бозорқўрғон туманидаги Абдурахмановлар оиласи, тиббиёт институтининг биринчи курсида тахсил кўрган, 19 ёшли марҳум талаба Акромхожининг қирқини ўтказишмоқда.

У 12 июн куни ўлдирилган, номаълум шахслар йигитни бўғизлашлан. Яқинлари уни ўликхонадан топишди. Бўғизланганидан ташқари унинг баданида зўрлик аломатлари бор эди. Унинг қотиллари жасадни таҳқирлашган, оғзига ёғоч тиқиб, унинг башарасини хунук холга солишган.

Акромхожининг онаси қотилларни лаънатлайди, уларнинг шафқатсизликда бошқа миллатларга нафрати ва шафқатсизлиги билан ҳатто немис фашистларидан ҳам ошиб тушганликларини айтади. Унинг иккита ўғли бор эди, энди фақат уларнинг биттаси қолди.

“У нега ўлдирилди, - сўрайди маросимга келган 45-ёшли эркак, - биргина ўзбек бўлгани учунми?”

Бу каби мотам ва кўзёши бугун Ўш ва Жалолобод ҳамда жанубий Қирғизистоннинг бошқа ҳудудларида сон саноқсиз.

Айрим маросимларнинг ягона фарқи, яқинларини йўқотоган аксарият одамларнинг дафн маросимини ўтказиш имкони бўлмаганлигида, чунки одамлар тириклайин ёқилган ва уларни танишнинг иложи бўлмаган, ёки бедарак йўқолган эди.

Иссиқдан ўликларнинг айнимаслиги учун уларни тезгина, умумий қабрларга дафн этишган. Эндиликда одамлар уларнинг уйларига келиб Қуръон тиловат қилишар эди.

Қирғизистон жанубида ҳалок бўлганларнинг 40 кунлигини ўтказишаркан, тирик қолган ўзбеклар янги хунрезликлар ва босқинларнинг бошланишидан ҳадиксирашмоқда, аксарият қирғизлар ва қирғиз ҳукумати вакилларининг тазйиқлари хануз тугагани йўқ.

Ўш вилоятининг йирик Қорасув бозорида савдо сотиқ бошланган, бироқ вазият таранг ва ўзбеклар ҳужумларнинг тағин бошланиб қолиши мумкинлиги ҳақида гаплашишади.

Рустам исмли шахснинг гапига кўра, 27 июлгача Ўшга Афғонистон жангарилари ташланиши, уларнинг қасос олиши ҳақида миш мишлар юрибди, бироқ уларнинг ким томонда туриб курашиши номаълум.

Ўш ва Жалолобод вилояти рахбарлари, тартиб ва фуқаролар осойишталигини таъминлашлари ҳақида гапиришади, қурбонларнинг 40 кунлигини ҳам ўзбеклар ҳам қирғизлар нишонлашаётгани учун, ушбу кунларда улар маросимларга ҳайрихох бўлишмоқда.

Матлуба Азаматова Uznews.net учун