Uznews.net - Россиядан туриб Марказий Осиё мамлакатлари учун кўрсатув узатувчи “К+” йўлдош телеканали, 6 март куни “Эрк” партияси лидери Муҳаммад Солиҳ ҳақидаги кўрсатув трансляцияси пайтида ҳужумга учради.

Телеканал “К+”, айрим маълумотларга кўра хорижга қочган қозоғистонлик миллиардер томонидан асос солинган ТВ, 6 март куни Гринвич бўйича 17:15 да кучли йўлдош ҳужумига тутилиб тармоқдан узиб қўйилди.

Бу ҳодиса, Ўзбекистондаги мухолиф партия бўлган “Эрк”нинг лидепи Муҳаммад Солиҳга бағишланган “Қуролсиз одамнинг озодлиги” фильми намойиши бошланганидан ўн минут ўтгач содир бўлди.

Кўрсатувни телевизорда тамоша қилган “Озодлик” радиоси продюссери Шуҳрат Бобожоновнинг сўзларига кўра, кутилмаганда тасвир ёмонлаша бошлаган, кейин эса у йўқолган ва умуман ўчган.

Каналнинг билдиришига кўра “Сайёра ва студия ўртасидаги алоқага ташқаридан номаълум таъсир ўтказилган”. Телевизиончилар, Тошкент назоратидаги махсус хизматлар аралашуви бўлганлигини гумон қилишмоқда.

“Қуролсиз одамнинг озодлиги” фильмида Ўзбекистондаги ва умуман Марказий Осиёдаги мухолифат тарихи ҳақида ҳикоя қилинади.

“К+”нинг билдиришича, фильмда собиқ Туркия Бош вазири Нажмиддин Эрбоқон, Озарбайжоннинг собиқ президенти Абулфайз Элчибейнинг маслаҳатчиси Ажал, ўзбек шоираси Гулчехра Нуруллаева, рассом Вячеслав Охунов, ёзувчи Сафар Бекжон ва бошқалар иштирок этган.

Муҳаммад Солиҳ “Озодлик”ка берган интервьюсида, бу ҳужум Тошкент ҳукумати томонидан уюштирилганига ишонишини айтади, бу ҳол, эндиликда улар ҳатто, режим мухолифлари ҳақида кўрсатув берадиган йўлдош каналларини ҳам тўса олишлари мумкинлигини исботламоқда.

Солиҳнинг сўзларига кўра, фильмда сўз унинг йигирма йиллик сиёсий кураши ва “Эрк” партияси ҳақида борган, ва албатта президент Ислом Каримов режимини тан олмаган “эркчилар”га ва бошқа кўплаб шахслар ҳақида гапирилган.

Айнан, Ўзбекистон ҳукумати жиноятлари хақидаги кўплаб фактлар очилгани учун ҳам, фильмнинг кўрсатилиши расмий Тошкент учун ножоиздир, дея ҳисоблайди Солиҳ.

Uznews.net